Ohcejoga kulturduovdagat oidnosii -projeakta

Ohcejogas leat guokte riikkaviidosaččat mávssolaš duovddaguovllu, Deanuleahki ja Ohcejohleahki. Johkagáttiid gilit viesuiguin ja eallinbirrasiiguin leat mávssolaš duovdagat, maid sámekultuvra lea hábmen. Sámeguovllu dološ huksenárbi árvaluvvo seilon eanemus Ohcejogas, go soađi dagahan duššadeamit eai ollán gitta Ohcejohkii. Maŋimuš jahkelogiid máŋggat kulturduovdagat leat beassan suovkaluvvat, oidnosat Deanu oainnusgeainnus leat báikkuid šaddan suovkan eaige árbevirolaš šilljobirrasat boares viesuiguin oidno šat geidnui. Ohcejohnjálmmi gilisearvi lea dahkan gielddastivrii giligovaid čorgemii guoski álgaga ja projeakta lea eallinfápmolávdegottis váldon barggu vuollái. Iežas kulturbirrasa dovdan ja gáhtten lea vuođđu báikkálašservoša identitehttii.

Geavatlaččat kulturduovdagiid seailun dáhpáhuvvá árbevirolaš biotohpaid dikšumiin ja doarjumiin guvlui mihtilmas sámi huksenárbevieru seailuma ovddidemiin duovdagiiddikšumii laktáseaddji fitnodatdoaimma ja bargobáikkiid šaddama sihke aktiveremiin eaktodáhtolaččaid, nuoraid ja guhkesáiggebargguhemiid duovdagiiddikšunbargui. Projeavttain huksejuvvojit suvdilit vejolašvuođat turismaealáhussii sihke nannejuvvo báikkálaš olbmuid ruovttuguovloidentitehta ja loaktin guovllus. Projeavtta duovdagiiddikšunplána mielde álbmogasbargguin dikšojuvvojit ja njáskojuvvojit duovddaguovllut ovttas giliolbmuiguin, bartaeaiggádiiguin ja eanaeaiggádiiguin.

Masa projeavttain figgojuvvo?

Projeavttain geahččaluvvo lasihit Ohcejoga giliid geasuhusa ássan-, asttuáiggi ja fitnodagaid birasin. Ođđa doaibmamálle ja bálvalushámi bokte dorjojuvvojit Deatno- ja Ohcejohlegiid áidnalunddot duovdagat ja mávssolaš kulturbirrasa seailun.

Ulbmilin lea doarjut guvlui mihtilmas sámi kulturbirrasa ja huksenárbevieru seailuma sihke ordnet gillilit kulturduovdagiid ja boares viesuid vejolaččat eanaeaiggádiid birassoahpamušaid doarjagiin.

Duovdagiiddikšumii, ruhtadanvejolašvuođaide ja duovdagiiddikšunfitnodatdoibmii laktáseaddji čehppodat ja diđolašvuohta lea lassánan, man bokte aktiverejit bargguhemiid, nuoraid ja fitnodatolbmuid duovdagiiddikšunsuorgái.

Gieldda olbmuid ja bartaeaiggádiid oktasaš ovddasvástádus min eallinbirrasa čorgatvuođas ja geasuhahttivuođas fuolaheamis, mii bealistis váikkuha báikkálaš olbmuid ruovttuguovloidentitehta nanosmuvvamii.

Mii projeavttas dahkkojuvvo?

Projeavtta geavatlaš doaibmabijuid sáhttá juohkit viđa oassái.

1. Áššedovdi gárvvista duovdagiiddikšunplána Gáregasnjárgga, Njuorggáma ja Ohcejoga giliide ja Deatnoleahkái ovttas báikkálaš olbmuiguin, bartaeaiggádiiguin ja eanaeaiggádiiguin. Nuoraid jiena hálidit gullat plánaid gárvvisteamis.
2. Figgamuššan oažžut nuoraid čatnasit ruovttuguovllu duovdagiiddikšumii ja huksenárbbi gáhttemii. Nuorat ožžot válljet sidjiide heivvolaš duovdagiiddikšunbáikki, mii biddjojuvvo álbmogasbargguin ortnegii ja dan maŋŋá das fuolahuvvo ovttas nuoraiguin. Searvegotti nuoraidbargguin, VPK nuoraidossodagain ja gieldda nuoraidbargguin ordnejuvvojit bargobájit ja oktasašdoaimmat.
3. Ovttas giliservviiguin ordnejuvvojit duovdagiiddikšunbarggu oktasašdoaimmat.
4. Duovdagiiddikšunbargui laktáseaddji áššedovdičehppodat rávvendilálašvuođaid ordnemiin.
5. ”Šiljut čorgadin” –dáhpáhusain movttiidahttet gieldda olbmuid ja bartaeaiggádiid sihke fitnodatolbmuid čorget iežaset šilljobirrasa ja guoddit oktasaš ovddasvástádusa oppalaš čorgatvuođas. Ollašuhtto ovttas giliservviiguin.

Projeavtta geavatlaš ollašuhttimis vástida projeaktabargi ja áššedovdibarggus, jođiheamis ja rávvemis vástidit oktasašbargobealit ja fitnodatolbmot. Projektii lea mánotbadjái bálkáhuvvon vuovdebargi, guhte lea veahkkin álbmogasbarggus. Projeaktahoavda vástida hálddahuslaš doaimmain ja lea doarjjan projeavtta ollašuhttimis.

Projeavtta figgamušat

Projeavtta dehálamos ulbmilin lea oažžut Ohcejoga giliid geasuhahttin ja seailluhit mávssolaš kulturduovdagiid. Figgamuššan lea ahte ássanbirrasat čorgejuvvojit ”šiljut čorgadin” -dáhpáhusa áigge. Oidnosiid rahpan eandalit Deatnogáttis ja dan buktin geasuhahttivuođa dovdu.

Gii projeavtta ruhtada ja gii das vástida?

Ohcejoga kulturduovdagat oidnosii –projeavtta oppalašruhtadeapmi lea 55 556 euro. Projektii lea juolluduvvon EU-doarjja 40 000,32 euro Leadera Nannán-Suoma eananguovllu ovddidanprográmmas 2014 – 2020. Projeavtta ollašuhttináigi lea 1.1.2019 – 31.12.2020.

Projeavttas vástida Ohcejoga gielda. Gielda vástida goluin projeavtta áigge, projeavtta hálddašeamis ja ollašuvvamis áigetávvala mielde. Ovddidan- ja ealáhushoavda vástida projeavtta hálddašeamis ja projeaktabargi projeavtta plánemis ja koordineremis.

Lassedieđut projeavttas:

Neahttasiidduin: https://sway.office.com/D7IWrjIGGKdiRQmN?ref=Link
Facebook: Ohcejoga kulturduovdagat oidnosii
Instagram @kulttuurimaisemat.nakyviksi

Ohcejoga gielda / Ealáhusdoaibma
PL 41, 99981 Ohcejohka/Utsjoki