Váldostivra čoahkkana du 14.12. gieđahallat boahtte jagi bušeahta – čuovo jagi maŋimuš čoahkkima njuolggosáddagis dmu 15 rájes!
11.12.2023
Ohcejoga váldostivra. Govva: Studio Borga
Sihke Ohcejoga gielddaráđđehus ja váldostivra čoahkkanit duorastaga 14. beaivve juovlamánu jagi maŋimuš čoahkkimiidda.
Gielddaráđđehus gieđahallá earret eará Ohcejoga oassálastima gielddaid ja buresveadjinguovllu ovttasbarggu ovddideami pilohttaprošektii jagiid 2023–2025. Sáhtát oahpásmuvvat čoahkkima evttohuslistui dákko.
Váldostivra bealistis mearrida jagi 2024 bušeahttaárvalusa ja jagiid 2024–2026 ekonomiijaplána dohkkeheamis.
ČUOVO ČOAHKKIMA NJUOLGGOSÁTTAN
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas duorastaga 14.12. sullii dmu 15 rájes. Čoahkkinbáddi lea oaidnimis kanálas maiddái njuolggosáddaga maŋŋá.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá neahttasiiddusteamet.