Ohcejoga váldostivra čoahkkana vuossárgga 31.1. válljet ođđa gielddahoavdda – čoahkkima sáhttá čuovvut njuolggosáttan Youtubes sullii dmu 15 rájes
27.1.2022
Ohcejoga gieldda váldostivra čoahkkana vuossárgga 31.1. jagi 2022 vuosttas čoahkkimii gielddadálu váldostivrasálii. Váldostivra galgá earret eará čađahit gielddahoavdda virgeválgga ja mearridit projeavttaid lassemearreruđain. Čoahkkima evttohuslistui sáhttá oahpásmuvvat dákko.
Buot váldostivrra ja gielddaráđđehusa áirasat sáhttet vuos dmu 10 rájes oassálastit gielddahoavdda virggi ohcciid jearahallamiidda. Jearahallamiid maŋŋá gielddaráđđehus dahká váldostivrii evttohusa gielddahoavdda válljemis. Váldostivra čoahkkana gieđahallat ášši sullii dmu 15.
Váldostivrra čoahkkimat leat buohkaide rabas. Čoahkkima lea vejolaš čuovvut njuolggosáttan gieldda Youtube-kanálas vuossárgga 31.1. sullii dmu 15 rájes. Čoahkkinbáddi lea oaidnimis kanálas maiddái njuolggosáddaga maŋŋá. Koronaepidemiija geažil Ohcejoga gielda ávžžuha, ahte olbmot čuovošedje čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.