Gielddaráđđehusa čoahkkimis 27.5. gieđahallo Ohcejoga gieldda eanapolitihkalaš prográmma
27.5.2024
Gielddaráđđehusa čoahkkimis 27.5. lea dohkkeheami vuolde gieldastrategiijai vuođđuduvvi eanapolitihkalaš prográmma, mas meroštallojit gieldda eanapolitihka doaibmanvuogit jagi 2035 rádjai.
Dohkkeheami vuolde lea maid Plána doarjut eallilan olbmuid Ohcejoga gielddas. Gielddas čađahuvvui eallilan olbmuide oaivvilduvvon jearahallan mannan juovla-ođđajagimánus ja jearahallama bohtosat mannojuvvojedje čađa doaibmaváttogiid- ja boarrásiidráđiin. Jearahallama ja ságastallamiid vuođul lea dahkkon plána, mas váldojuvvo vuhtii maid sode-bálvalusaid sirdáseapmi Lappi buresveadjinguovllu ovddasvástádussan.
Gieđahallamis lea lassemearreruhtabivdda bálgáid huksemii Hárremahčohkkii ja Ohcejoga Áilegas-duoddarii. Maiddái turisttaid oahpisteapmái evttohuvvojit buorádusat, maid goluin gielddaráđđehus mearrida ja doalvu ain váldostivrra gieđahallamii.
Buresveadjinhoavdda virgeválggas lea dahkkon váidda. Davvi-Suoma hálddahusriekti lea bivdán cealkámuša, mii laktása Hannele Heinosa dahkan gielddaváidagii Ohcejoga gieldda buresveadjinhoavdda virgeválggas. Hannele Heinonen gáibida Ohcejoga gielddastivrra 27.3.2024 dahkan virgeválgamearrádusa gomiheami lágavuostásažžan.