Gielddahoavdda giđđadálvve dearvvavuođat
12.3.2021
Dearvvavuođat buohkaide!
Máŋggat mis leat beassan návddašit čuoiganluomus ja sávvamis olgoáibmu ja giđđadálvvi dálki lea fámuidahttan ja virkkosmahttán. Dál fas bargui máhcadettiin lea vejolašvuohta, ahte dávda leavvá. Lehpet várra buohkat lohkan njoammunáitaga vuollái gártan olbmuid birra min lagasbirrasis.
Mii leat lihkostuvvan bures eastit koronaepidemiija leavvama dán rádjai; njoammunlogut eai leat mis badjánan. Mii leat sáhtán joatkit muhtun doaimmaid juoba masa dábálaččat. Máŋggat ráddjehusat ja garra ávžžuhusat goittotge leat, ja eallin lea muhtumin oalle lossat.
Dát kriisa ii mannange johtilit meattá, ja go dilli joatkašuvvá, olbmot váibet ja dolket. Suhttu badjána ja orošii, ahte ii šat veaje.
Muhto dál mii geahččat geasi guvlui! In duođaige sáhte lohpidit – iige giige sáhte lohpidit sihkkarit, ahte dilli livččii dalle rievdan buorrin. Muhto boahkkohušprográmma ovdána ja čuovga lea juo oidnosis.
Dál luomu maŋŋá galgá velá erenomážit leat dárkilat ja fuolahit min iežamet ja earáid suodjaleames.
Mis lea čielga gáiddusbargoávžžuhus. Muhto buohkat eai sáhte bargat gáiddusin, ja danin lea dehálaš, ahte mii suodjalit erenomážit daid ja dieđus iežamet ja min lágas olbmuid njoammunriskkas.
Mii čuovvut fuolalaččat koronahygieniijarávvagiid. Bargiid oktasaš sosiálasajis (gáfestallan ja lunsabáikkit) čoahkkanit dušše 5 olbmo hávil. Juos lea veahttameahttun doallat čoahkkima ja dan ii sáhte dahkan gáiddusin, mii geavahit máskkaid ja doallat dorvogaskkaid. Čoahkkimiid gaskkas čorgejeddjiide galgá addit vejolašvuođa čorget dálá beaktilut čorgema ávžžuhušaid mielde.
Buorre olgobeivviid buohkaide, geahčastagat ja doaivu geasi guvlui.
Vuokko Tieva-Niittyvuopio